Trafikkulukke i Halsnøytunnelen
Ein mann er frakta til sjukehus med luftambulanse etter ei ulukke i Halsnøytunnelen.
Ein mann er skadd og sendt vidare til sjukehus med luftambulanse etter ei trafikkulukke i Halsnøyunnelen.
– Vi fekk melding klokka 09.19 om at det ein bil truleg hadde køyrd inn i fjellveggen. Det er snakk om ein person som no er teke ut og sendt til sjukehus med luftambulanse, seier lensmann Sigurd Børve ved Kvinnherad lensmannsdistrikt.
Artikkelen held fram under annonsen.
Det var 110 Hordaland som klokka 09.20 meldte at alle naudetane rykte ut til Halsnøytunnelen etter ei trafikkulukke. Like etter skreiv dei på Twitter at personen var frigjort og vart teken hand om av helse.
Vaktkommandør i 110-sentralen i Hordaland, Ronald Drotningsvik, fortel til BT.no at mannen sat fastklemt etter ulukka.
– Sjåføren sat fastklemt etter ulukka, men er no frigjort og teken inn i ambulansen. Bilen har køyrd i fjellveggen 3-400 meter frå Halsnøysida, seier Drotningsvik til BT og fortel vidare at mannen er bevisst.
Klokka 10.40 kunne Vegtrafikksentralen vest melda om at tunnelen igjen var open for trafikk.