– Ta vare på kvarandre
Kvinnherad kommune har tysdag morgon lagt ut følgjande melding om den tragiske trafikkulukka i Matre:
«Det er med stor sorg å melde om at ei trafikkulukke på FV 5024 på Baugstranda, har ført til at ein person omkom i Kvinnherad i går måndag 19. juli. Fylkesvegen er framleis stengt, og vil vere det utover formiddagen, melder politiet.
Kvinnherad kommune har gjennom kvelden, og natt til i dag, vore i tett kontakt med politiet for å få oversikt på situasjonen.
Artikkelen held fram under annonsen.
Kommunen sitt støtteteam har vore til stades på ulike måtar for vener og pårørande i denne tida, gjennom samvær og samtaler.
Ta vare på kvarandre», skriv Gunn Berit Sandnes Fosse, leiar Administrasjon.
Dersom nokon ynskjer å koma i kontakt med kommunen, kan ein ta direkte kontakt med:
Ordførar Hans Inge Myrvold - Mobil 4802 5277
Sektorleiar Leiv Kongestøl - Mobil 9138 6185