Trio tapte på Askøy
Ein god og ein dårleg omgang vart fasit då Trio sitt damelag tapte 3-1 borte mot Østsiden Askøy søndag.
I fråvær av toppscorar Aria Haugsdal, tok midtstoppar Kristine Enæs Medhaug ansvar i angrep. Saman med Rebekka Røen skapte ho trøbbel for Østsiden-forsvaret i fyrste omgang. Men det vart med trøbbel, for utteljinga kom ikkje før eitt minutt før slutt. Då sette Mariel Musland Madsgård inn trøystemålet som sørga for at Trio reiste heime frå Askøy med eit 3-1-tap i bagasjen.
Artikkelen held fram under annonsen.
– Det vart eit jamt oppgjer. Før pause hadde vi flest sjansar, men kampen sett under eit var eit solid Østsiden-lag eit hakk betre, skriv IL Trio på sine heimesider.
Østsiden Askøy tok leiinga midtvegs i fyrste omgang og dobla leiinga like etter sidebyte. Så gjekk vertane opp til 3-0 frå ellevemetersmerket fem minutt før Mariel scora reduseringa.
Fyrstkomande søndag skal Trio opp mot serieleiar Vestsiden-Askøy 2 på Husnes.