– Tryggare veg mellom Opsanger og Porsvik!
Me er mange som ser fram til forprosjektet skal bli ferdig og klar til å realisera ny veg mellom Opsanger og Porsvik sjølv utan gul midtstripe!
Vegen er trafikkfarleg, verre kan det ikkje bli på denne strekninga og då spesielt for dei mjuke trafikantane.
Artikkelen held fram under annonsen.
Vegen skal bli breiare, det er heilt nødvendig, med gang- og sykkelveg på heile strekninga vil det bli svært bra.
Eg er veldig glad for at det no går på fram med å gjera denne strekninga tryggare, det er gang- og sykkelsti som er hovudfokus i planlegginga.
Denne delen av Fylkesvegen har stor trafikk frå Valen, Sandvoll og ferjetrafikk til og frå ferjestaden Utåker.
Vegen har dårleg standard, svingete, holete, smal og ikkje noko er tilrettelagt for gåande og syklande mellom Opsanger-Porsvik det er ikkje trygt å vera fotgjengar eller syklist i dette området!
Ved å prioritera gang- og sykkelveg frå brua på Opsanger som skal knyta seg på ved Porsvik får me trygg veg heilt fram til Valen sjukehus, skule- og barnehageområde.
Ein får då gang- og sykkelsti frå Valen til Husnes via Opsanger, det vil vera fantastisk utvikling innan samferdsel og trafikksikringstiltak.
Det er gledeleg når sektorleiar Øye seier ein kan rekna med at Opsanger- Porsvik vil vera ferdig i løpet av dei neste åra, det er gjort gode politiske prioriteringar innan samferdsel.
Dette blir bra!
Artikkelen held fram under annonsen.
Av Synnøve Solbakken, Kvinnherad Ap.