- Ueffektivt og direkte fordyrande

Rådmann Odd Ivar Øvregård har analysert drifts- og investeringsbudsjetta til kommunen og funne fleire ting han vil justera på. Mellom anna ynskjer han raskare utbetring av Opsangervegen.

Under formannskapsmøtet torsdag kveld presenterte ein offensiv rådmann fleire interessante vyer som imponerte politikarane. Eit døme er veg- og vassarbeidet i Opsangervegen som i noverande budsjett er planlagt frå 2016 til 2019.

- Dette er ein ueffektiv og direkte fordyrande måte å gjera det på. Sånn kan vi ikkje bruka pengane våre. Vi må sleppa delbygging og graving på Husnes i fire år framover, sa Øvregård, som heller vil gjera arbeidet raskare. Ikkje minst synest han det er viktig å visa næringslivet, som treng fleire oppdrag, at det faktisk skjer noko.

Les meir i Grenda på laurdag.