Rykte ut til havarert fritidsbåt - to personar om bord

Redningsskøyte og branntropp rykte i 14.30-tida laurdag ut til Løfallstand.

Klokka 14.34 meldte Vest politidistrikt at ein fritidsbåt hadde havarert ved Stykkeholmen ved Løfallstrand. Båten er 23 fot stor, og hadde to personar og éin hund om bord.

«Røyk frå motorrom, mogleg lekkasje i kjølesystem. Hovudredningssentralen sender redningsskøyte frå Leirvik», skreiv politiet.

Rett etter klokka 14.30 passerte to brannbilar frå troppen i Rosendal gjennom Skålagato på veg innover. Også ambulansebåten «Rosedoktoren» var på veg, men snudde. Redningsskøyta «Sundt Flyer» la til kai hjå ECG (tidlegare Hellesøy verft) på Løfallstrand.

Til Bergens Tidende opplyste Hovudredningssentralen at det ikkje var nokon umiddelbar fare for folka om bord.