Val av ferjetrasear frå Kvinnherad

I begge lokalavisene har ein kunne lesa eit opprop om dette temaet, underskrive av 13 ungdommar i gode jobbar, eller i utdanning for gode stillingar i samfunnet i nær framtid.

Egg legg merke til at det vert understreka at «god samferdsle er avgjerande for at folk skal kunna bu i distriktet».

Underskrivarane meiner at løysingar for at å nå Vestlandsbyane raskast (særleg Bergen) er ferjestø på Sunde, og vidare til Bergen gjennom gode og raske trasear. Og på denne reiseruta er det viktig med betre vegar i Rosendal – Husnes-området. Det er altså meininga at det gode og raske trafikktilbodet skal leggjast ned eller reduserast for indre Kvinnherad.

Eg synest at eit slikt opplegg mildt sagt er forhasta. Først må ein i alle fall fylgja statlege krav for Halsnøytunnelen. Først skal tunnelen nedbetalast før han blir gratis. Sunder er jo ein svært god ferjeplass, men ting må gjerast i rett rekkjefølgje.

Det som undrar meg litt er at etter dette opplegget skal reisande frå Rosendal-området køyra til Husnes for å ta ferja derifrå og nordover til Bergen. At tredjeparten av underskrivarane kjem frå indre Kvinnherad. Undrar meg også ein del. Her har vi jo det aller beste tilbodet frå Kvinnherad til Bergen, både når det gjeld ferjer og snøggbåt (90 minutt til Flesland og ein halvtime meir til Bergen hamn, og det går to dobbelturar dagleg).

Eg har inntrykk av at det er svært vanskeleg å finna ferjeplass på Stord, men slik eg ser det er det ikkje dette noko hastesak.

Det er rimeleg å tru at ei Bjørnefjordsbru vil ta meir enn 20 år før ho er ferdig, og det betyr at tur frå Husnes til Bergen vil bety enno ein liten mannsalder med to ferjer på strekningen Husnes – Bergen.

Ein annan ting er at det er stadig fleire som ser Fusa som ei betre løysing, mellom dei Kjellbjørg Lunde (SV) som ei eit innlegg i Sunnhordland seier at ho har god tru på at framtidas Hordfast ikkje vil gå over Bjørnefjorden. Mykje tyder på at Solberg-regjeringa her lover for mykje, og treng draghjelp til å snu.

Mange er jo bekymra over dei dyre bompengane som vil koma. Det er blitt ganske lenge sidan at det vart stipulert at mann med bil vil måtta betala meir enn 1000 kroner Stord – Bergen.

Det verkar sli at dei nye kostnadsoverslaga på kyststamvegen Kristiansand – Trondheim kan bety mindre aktivitet på strekninga Sveio – Trondheim. Vegplanane i Sør-Noreg var for ei tid sidan rekna til 1000 milliardar, og det er nok på tide at dei dyraste løysingane må reduserast.

 

Lesarbrev av Knut Hass.