Valen-forsking publisert i Newsweek

Forskinga ved Valen sjukehus vekkjer internasjonal merksemd. For to veker publiserte Newsweek ein lengre artikkel om arbeidet med lysbehandling.

– Det var ein ganske god artikkel, synest eg sjølv.

Det seier overlege ved Valen sjukehus Tone Elise Gjøtterud Henriksen nokre dagar etter at Newsweek Magazine skreiv om forskingsarbeidet ho leia i perioden 2011 til 2015.

– Snøballen starta å rulla på Valen, men for å få nok pasientar å forska på, deltok også sjukehusa i Haugesund og Stavanger, forklarer ho.

I mai fekk ho sjølv ein artikkel publisert i fagbladet Bipolar disorders, og resultata frå forskinga er allereie omtala i to amerikanske lærebøker.

Kronoterapi

Behandlingsmetoden, som forskinga til Henriksen har påvist at fungerer, går kort sagt ut på å stengja ute den blåe delen av lyset som finst i kvitt lys, eller i dagslys, om ein vil. Det same blåe lyset har ein i både tv-, data- og telefonskjermar. Det er denne delen av lyset som gir dag-signal til hjernen og startar prosessar i kroppen som passer med dagtid og som synkroniserer alle døgnrytmane som finst dei ulike organa i kroppen.

– Kring år 2000 fann ein ut at det sit eigne reseptorar i netthinna som fangar opp den blåe delen av lyset. Blått lys løyser ut energi hos menneske og gjer oss vakne. Personer med bipolar liding (som har både maniske og depressive episodar) har vist seg å vera ekstra følsame for dette lyset, forklarer Henriksen.

Les meir i Grenda torsdag 4. august eller kjøp pdf-utgåva.