Varslar svært høg vasstand
Meteorologisk Institutt melder om svært høg vasstand for Vestland fylke onsdag 11. mars.
– Onsdag ettermiddag er det venta høg vasstand, estimert til 50-65 cm over høgda oppgitt i tidevasstabellane. Vasstanden er venta å vera høgast rundt klokka 12, skriv Meteorologisk Institutt.
Artikkelen held fram under annonsen.
Varselet har oransje nivå og Meteorologisk Institutt oppmodar folk om å vera føre var.
– Hald avstand til vatnet i strandsona. Sjekk fortøyinga til båten og sikra lause gjenstandar inne i naust og i strandsona, skriv dei.