Vedtok fråsegn om bruk av nynorsk

Årsmøtet i Kvinnherad mållag ynskjer at friviljuge lag og organisasjonar i Kvinnherad skal bli meir medvitne i å bruka nynorsk. Difor vart følgjande fråsegn vedteke:

«Mållaget har blitt gjort merksam på at det skjer at lag og organisasjonar i kommunen sender ut informasjon, innkallingar og lysingar på bokmål. Mållaget forstår at det finst frivillige og engasjerte folk som ikkje har nynorsk som sitt hovudmål. Men vi vonar at lag og organisasjonar så langt dei kan vil nytta nynorsk. Dette gjeld særleg lag som driv med kultur, og grendalag og slikt, som er viktige identitetsberarar. Mållaget kan gjerne tilby hjelp med nynorsk omsetjing».