– Verdigheit og politikk

Sjølv om vi har mange gode og velmeinande politikarar i Kvinnherad, har nokre politikarar også gjort alt i deira makt for å fella ordføraren. Dei har forstått at einaste måten dei kan klara å ta han på er å bruka uverdig framferd.  Er det slike folkevalte vi vil ha? Kva har dei å visa til anna enn å tura fram som politiske sjølvutnemnte vedunder? Eg lurer på om dei i det heile har sjølvinnsikt? Har dei gjort noko for Kvinnherad? For innbyggjarane? Dei gamle? Skule? Samferdsle? Helse?

Ikkje veit eg, men Kvinnherad har under Peder komme på kartet, kommunen blomstrar, helsevesenet og eldreomsorga er knapt eit tema lenger, tilsette og politikarar arbeider med mindre frykt, slik var det ikkje tidlegare. Det var behov for opprydding, det fekk ordføraren gjort. Også i forholdet administrasjon og politikarar var det ei smørja. Det var med andre ord på høg tid å ta fram kosten.

Enkelte felte krokodilletårer frå talarstolen i kommunestyresalen under oppryddinga. Når slike destruktive maktstrukturar vart løyste opp, vert det gjerne vondt for nokon fordi dei misser innflytelse. Men jobben måtte gjerast, og for det vert ordføraren nå tatt på styggast mogeleg vis. Politikarar som er så høge på seg sjølv at dei ikkje ser fellesskapet, har fått tura fram siste tida.

Me høyrer om mykje stygt, berre det som har vore i opne sosiale media er meir enn nok, men kva har då føregått i det skjulte? I Kvinnheringen les eg følgjande frå Gaute Lund, sitat:  «Viss nokon meiner at eg har sagt eller skrive noko utilbørleg ufint eller krenkjande, så ville eg sett pris på å få det påpeika, seier Lund»

Her er mitt tilsvar: Eg legg ved ein skjermdump som tydeleg viser nivået på det som har føregått.

Men Lund er diverre ikkje åleine, han har andre som føl han i hakk i hæl.

Kjære veljarar, det er snart val, og eg spør igjen. Vil vi ha verdige eller uverdige politikararar? Det gjeld kommunen vår, korleis vi skal veksa opp og bu, kven som skal visa oss vegen, vera vår leiar. Kva vel vi?

 

Av Frode Sæbø

 

[gravityform id="11" title="true" description="true"]