– Vi vil vera med og sikra eit flott arrangement

Fleirtalskoalisjonen i kommunestyret vil heilhjarta slutta seg til det vidare arbeidet til Pride-komiteen og vera med å sikra at det blir eit flott Pride-arrangement i Kvinnherad 28. juni.

Som Grenda skreiv måndag skal Pride markerast for første gong i Kvinnherad i 2020. Noko ein fersk Pride-komité skal syta for. No kastar også fleirtalskoalisjonen i kommunestyret seg med.

– Det er gledeleg å erfara at det har kome på plass ein lokal arrangementskomité som vil sikra Kvinnherad Pride, for og med innbyggjarane i kommunen vår. Vi i SF, Ap og Sp vil heilhjarta slutta oss til det vidare arbeidet og ikkje minst sikra eit flott arrangemend den 28. juni, skriv dei tre partia i ei pressemelding tysdag morgon.