Vil oppgradera på Børnes

Ifølgje nettstaden Uskedalen.no ligg det føre planar for oppgradering, forsterking og utdjuping av Børnes Tømmerkai. Dette til ein kostnad på nær 10 millionar kroner.

Det er søre Kvinnherad Skogeigarlag saman med kommunen som eig og driftar tømmerkaien. Det vert søkt statlege midlar på 7,6 mill. kroner. Den kommunale delen er i dårleg stand og ei nabbe mot aust gjer at ein ikkje kan ferdiglasta dei største skipa.

«Kaien ligg sentralt i eit område der det har vorte drive fram mykje tømmer og der det det stadig blir drive eit aktivt skogbruk», skriv avtroppande Fylkesskogmeister Terje Natland i eit brev.

Han opplyser at Børnes tømmerkai stod ferdig i 1991, og det har sidan den gong blitt levert svært mykje tømmer over kaien.

«Fylkesmannen er kjent med at dette området er satsa svært aktivt på skogreising dei siste 60-70 åra, og at mykje av denne skogen vil bli hogstmoden i tiåra som kjem. Det er serdeles stor aktivitet i skogbruket i Vestland for tida, hogsten er mangedobla i dei siste 10 åra», legg Natland til.

Fylkesmannen ser det som positivt at det vert arbeid med opprusting og utbetring av eksisterande tømmerkai i Kvinnherad.