Vil selja Rosendal Event

På grunn av nyleg påvist alvorleg sjukdom har eigarane av Rosendal Event bestemt seg for å leggja bedrifta ut for sal.

– Det er med tungt hjarte vi har kome fram til avgjersla om å legga Rosendal Event ut for sal. Nyleg påvist alvorleg sjukdom har snudd opp-ned på liva våre, og framover kjem naturleg nok dette til å ta meste av merksemda vår. Derfor håpar vi at nokon andre eldsjeler har lyst til å satsa vidare på dette hjartebarnet vårt, som har gitt oss så mykje glede, mange nye kjennskap og spennande opplevingar sidan vi starta det opp i 2016, står det å lesa i ei pressemelding frå Laila og Sjur Langesæter.

Rosendal Event AS har sidan 2016 arrangert turar og opplevingar i Kvinnherad med Rosendal som base.

– Vi ser eit stort potensiale for å driva Rosendal Event vidare i ein flott kommune som Kvinnherad med spektakulær natur og mange kulturtilbod, står det å lesa i pressemeldinga.