Virusutbrot på Husnestunet – ber pårørande vurdera å utsetja besøk
Torsdag morgon melder leiinga ved Husnestunet om utbrot av Noro-virus ved institusjonen.
I ei pressemelding frå Kvinnherad kommune kan ein lesa at det no pågår eit utbrot av Norovirus ved Husnestunet.
I meldinga vert det bede om at pårørande vurderer om besøk er naudsynt denne veka.
Annonse
– Vi har utbrot ved fleire avdelingar, og vi jobbar fortløpande med å få kontroll på viruset. For å halda spreiinga på lågaste mogelege nivå, ber vi pårørande vurdera om det er naudsynt med besøk på Husnestunet denne veka, uttalar einingsleiar ved institusjonstenesta Tove Omdal.
Ho minner i same slengen om at dei som vitjar Husnestunet den neste veka bør vera ekstra nøye med handhygienen, både for å unngå å bli smitta sjølve og for å hindra vidare spreiing av viruset.
