Ynskjer å undersøkja røystesetlane

For å sjekka om det er hald i påstandane om listeaksjonar ved kommunevalet, ynskjer Tor Bringedal å gå gjennom alle røystesetlane. Det synest rådmannen han skal få lov til.

I einskilde lesarbrev i haust har det blitt hevda at kommunevalet i Kvinnherad var prega av organiserte listeaksjonar. Andre har på si side avvist påstandane. For å finna ut av saka søkjer Tor Bringedal i Herøysundet om å få sjå røystesetlane.

– Høgre si partiliste er den som oftast har vore nemnt i denne samanhengen. Utan at det er skrive eller sagt direkte, får ein inntrykk av at dette er ulovleg organisering. Bortsett frå at kandidatane er flytta opp eller ned på vallistene, og at postadressene til kommunestyrerepresentantane tyder på ei viss «skeivfordeling», har eg ikkje sett kva eller kven som er kjeldegrunnlaget for påstandane, skriv Bringedal i eit brev til kommunen.

Saka kjem opp for Valstyret i morgon kveld.

 

Les meir i morgondagens papirutgåve av Grenda.