Ynskjer høgare stillingsprosent

Kommunen sitt arbeidsmiljøutval hadde møte på tysdag. Torstein Aarthun rapporterte då om heiltid/deltid-problematikken.

«Det er gjennomført ei undersøking i pleie- og omsorg der mange arbeider uønska deltid. Det kom fram at cirka 100 ynskjer seg høgare stillingsprosent», står det i referatet. Som tiltak vedtok ein at einingsleiarane skal sjå på svara i undersøkinga for å finna ut kva moglegheiter det er for å imøtekoma ynska om å auka opp stillingane.