109 poeng: – Endeleg litt flaks

Manager for Innbytarpuls Ingebjørg Haugland fekk meir enn innbytarpuls då ho såg at det meste gjekk hennar veg i runde 23.

– Det var på tide for meg å ha litt flaks, seier stjernemanageren etter at rundesigeren i Grendaligaen kunne innkasserast.

Alt som skulle til var eit kraftig glipptak på når det var deadline, og at eventuelle feil frå førre runde enda med å retta seg opp sjølv.

– Sanninga er at eg gløymte deadline heilt, seier ho etter at eit hat trick frå kaptein Phil Foden gav ho det det ekstra forspranget som måtte til for å gå heilt til topps.

Det forklarer kanskje ei noko middels plassering i samandraget, sjølv om ho hoppa langt opp til 115. plass etter superrunden.

Men Foden var ikkje den einaste tremålsscoraren Haugland hadde rada opp på laget. Brasilianske Cunha køyrte såpass med karusell med Chelsea-forsvaret at det vart delt ut sjøsjuketablettar ved full tid, og sytte for 17 poeng til Haugland. Watkins varta opp med eit hat trick av målgjevande og landa på 18 poeng. 75 poeng på tre spelarar er alltid ein grei start i Fantasy Premier League.

Nærast ho kom Bamsebukt XI, styrt av Øyvind Bjørnevik. 105 poeng i runde 23 betydde eit saftig jafs innpå toppen i Grendaligaen, og sendte Bjørnevik opp til andreplass. Miniputt FC, storsatsinga til Njål Nerhus, plukka 103 poeng.

Framleis held Kjetil Rangsæter sine godtgåande Skykkjeskukkjen unna for konkurrentane, medan + til Andreas Bjørsvik har krope seg opp på tredjeplass.

Nytt høve til å gløyma deadline, som jo ser ut til vera oppskrifta til suksess, er på laurdag klokka 12.