28. Åkraløpet laurdag
Tradisjonen tru blir det kappspringing i Åkra på pinseaftan.
For 28. gong blir det skipa til Åkraløpet i pinsen.
Artikkelen held fram under annonsen.
– Det blir som vanleg start og målgang ved skulen, og løypa er den same som alltid: 3,2 kilometer rundt bygda, seier løpsgeneral Kurt Reidar Jegteberg.
I fjor stilte heile 213 deltakarar på startstreken, 63 av dei som konkurranseløparar. Det er tal Jegteberg håpar å sjå igjen.
– Det var veldig bra, altså, og deltakarrekord for oss. Me håpar på mykje folk i år også. Det er langhelg og mange er heime i samband med det, og så er Åkraløpet ein del av Kvinnheradkarusellen. Så me kryssar fingrane for gode tal i år også, smiler Jegteberg.
Han lovar premiar til alle løparane i barneklassen og konkurranseklassen. I tillegg vert det trekking av premiar til ein del av deltakarane i turklassen.
Løyperekordane er det Marit Årthun (11,34) og Sindre Omvik (9,56) som har.
– Spesielt Sindre si tid er god, avsluttar Jegteberg.
Merke
Artikkelen held fram under annonsen.
I Åkraløpet er det også premiering for deltaking. Desse er i løypa for merke i år:
- gong: Agathe Ølvestveit, Oda Vågen, Knut Olav Sørheim, Elena Victoria Jegteberg, Kjell Jegteberg.
- gong: Ruth Solveig Bergane, Edmund Berge, Lars Emil Berge, Bjørn Vidar Sørheim, Anna Toril Vågen, Karin Vågen, Mikal Øvstebø.
- gong: Sølvi Gundersen.