Ballen rulla heile helga

Laurdag og søndag inviterte Trio til cup i Husneshallen. 41 lag i alderen 13 til 16 år var med på å fylla hallen frå tidleg morgon til sein kveld begge dagane.

Fyrst ut var 16-årslaga laurdag, der ni jentelag og fem gutelag kjempa om å gå heilt til topps i turneringa. Dagen etter var det 13 og 14-åringane sin tur. Der elleve jentelag og seksten gutelag barka i hop på parketten.

I tillegg til 15 lag frå arrangørklubben, stilte Rosendal med 11, Halsnøy med 4, Odda med 5 og Uskedal med 3. Samstundes som Trio/Halsnøy var representert med tre samarbeidslag i g16-klassen.

Dette var den fyrste av i alt tre helger med Trio Cup. Søndag 4. mars skal 10, 11 og 12-åringane i aksjon, før dei yngste i alderen 6 til 9 år skal i aksjon 18. mars.