Cupdraumen brast mot Vålerenga
Stord sine juniorjenter yppa seg mot Vålerenga i torsdagens kvartfinale i NM.
Med dei to Halsnøy-jentene Kristine Lygre og Hanna Mehammer i startoppstillinga, gjekk Stord sine juniorjenter respektlaust til verks mot Vålerenga torsdag kveld. Det tok berre 19 minutt før Vilde Folgerø sende kvittrøyene i føringa på Vikhauagane, ei scoring som faktisk såg ut til å gjera dei tilreisande jentene frå hovudstaden godt.
Artikkelen held fram under annonsen.
Dei løfta seg betrakteleg og tok over styringa av kampen. Eit overtak som betalte seg i form av ei utlikning etter halvtimen.
Etter sidebyte vart den blå dominansen større, og der målscorar Folgerø si avslutning gjekk stolpe ut for Stord, sette Vålerenga ballen i nettet då sjansen baud seg.
Med det stoppa cupeventyret for Stord i kvartfinalen mot sjølvaste Vålerenga dette året.