Debutscoring og full kontroll
Ein kontrollert heimekamp frå start til slutt vart krona med at debutant Nikolai Mayer (16) fastsette sluttresultatet til 2-0, tre minutt på overtid.
Med det sikra Trio seg sin fyrste siger på seks kampar i botnoppgjeret mot Nordre Fjell laurdag ettermiddag.
- Dette var gøy. I dag er eg veldig stolt over det gutane presterer. Dei preiker meir ute på banen, og viser eit heilt anna engasjement enn i tidlegare kampar. Eg lovde siger på førehand, og denne gongen laug eg ikkje, seier ein glad triotrenar Aleksander Ekeland etter kampen.
Artikkelen held fram under annonsen.
Håvard Haga sat inn kampens fyrste mål frå straffemerket i det 9. minutt. I overkant av 80 minuttar seinare dobla debutant Nikolai Mayer, berre sekundar etter at han entra banen.
- Det var kjekt for Nikolai. Han er ein skikkeleg målscorar og det viste han i den situasjonen, seier Ekeland.