Den store gleda ved å klatra ein liten stein

Han har vunne tre kongepokalar og delteke i verdscupen og prøve-OL i klatring. Men Christoffer Fossli treng ikkje henga i Ulvanåso for å finna lukka. Ei lita steinblokk, ein bauta eller eit kunstverk gjer minst same nytta.

På bakken rett ovanfor brua i Uskedalen ligg eit stort hus med flatt tak. Det er vel det som vert kalla funkis-stil. Her flytta Christoffer Fossli inn hausten 2015, saman med kona Monica Hermann, fire ungar på heiltid og ein ungdom i feriane. Når Grenda parkerer på tunet er det imidlertid berre ein tigerfarga kattunge som kjem i møte. Han er til gjengjeld svært så selskapssjuk.

Ein varebil som står og durar på tomgang avslører likevel at det må vera folk i nærleiken. Etter fånyttes forsøk med ringeklokka, tek journalisten telefonen fatt.

– Hei, det er Chris, svarar det etter ei lita stund.

Heldigvis er intervjuobjektet heime. Men i huset er det mykje som må pussast opp, og akkurat no er det å smøra olje på baderomsgolv og -veggar som står på programmet. Ei lydbok med Hans Olav Lahlum sin roman «Maurtuemordene» sytte for å overdøyva lydane utanfrå.

Etter å ha vaska olja av nevane, tek Christoffer i mot, og forklarar samstundes den oppstarta varebilen med at batteriet hadde gått tomt dagen før. Katten nyttar sjansen til å pila inn døra.

Vertskapet har ikkje anna tilknyting til Kvinnherad enn ei mormor på Fjelberg og svigerforeldre som har hytte same stad. Så kvifor hamna familien i Uskedalen?

– Det var finast her, seier Christoffer Fossli kontant.

Les resten av intervjuet i torsdagens Grenda.