Denne gjengen sette norgesrekord
Kvinnherad Bogeskyttarklubb sette ny norsk lagrekord i klassen instinktiv utan sikte då dei sjølv arrangerte stemne på Sunde denne helga.
Bogeskyttarar frå Stord bogeskyttarklubb og Kvinnherad deltok laurdag på 30-skotsstemne som Kvinnherad Bogeskyttarklubb arrangerte laurdag. Ein kveld som bydde på mykje god skyting frå dei lokale skyttarane.
Artikkelen held fram under annonsen.
– I klassen instinktiv utan sikte vart det sett ny norsk lagrekord. Den gamle rekorden til Kristiansand Bogeskyttarklubb på 779 poeng vart forbetra med 12 poeng til 791 poeng, står det å lesa i ei pressemelding.
Best skaut Frank Johnsen med sine 267 poeng, tett etterfølgt av Terje Bakke og Hans Einar Holmedal med 262 poeng.
Men det var ikkje den einaste norgesrekorden den nystarta klubben henta heim denne helga.
– Også i compound med sikte vart det ein solid forbetring av den norske rekorden. Atle Helland forbetra rekorden frå 285 poeng til 292 poeng, heiter det i pressemeldinga.
I klassen barbow utan sikte vart John Arild Medhaug best med 163 poeng. Det same vart Terje A. Haugen i compound 2 med sine 275 poeng.