Endeleg kom Viking-sigeren
Johnny Furdal spelte heile kampen for Viking då dei tok ein etterlengta siger onsdag kveld.
Blåtrøyene til Bjarne Berntsen har hatt ein tøff start på sesongen, og gjekk til kampstart heime mot Sandefjord onsdag med eitt fattig poeng i bagasjen.
Artikkelen held fram under annonsen.
Mot Sandefjord starta det også trått. Begge laga spelte som om dei hadde stein i skoa, som igjen resulterte i ein sjansefattig og traust fyrste omgang.
Men etter sidebyte auka Johnny Furdal og Viking intensiteten og vart meir presise i dei avleveringane på siste tredel.
Det resulterte også i mål mot eit hanglande Sandefjord-forsvar. Løkberg skaut siddisane opp i 1-0 i det 56. minutt, før Berisha dobla leiinga fire minuttar seinare.
Viking stengte buret resten av oppgjeret og kunne jubla for sesongens fyrste trepoengar då dommaren blåste av for full tid i Jattavågen.