Fjerde best i landets tøffaste fjelløp
Steffen Johnsen Brufladt frå Rosendal vart nummer fire i ekstremløpet Hornindal Rundt.
Løpet, som er 75.000 meter langt og som går over 5.600 høgdemeter, vert karakterisert som landets tøffaste i sin klasse. På førehand sa den fotrappe 26-åringen at målet var å koma i mål blant topp ti og før det var gått elleve timar.
Artikkelen held fram under annonsen.
Etter å ha lagt bak seg 75 kilometer og seks fjelltoppar, klokka Steffen inn som fjerde mann på tida 10.28.06, og innfridde med det begge målsetningane sine. Han fekk også med seg ein bronsemedalje for prestasjonane sine i klassen menn 23-34 år.
Treningskamerat Askild Vatnbakk, som saman med Steffen lada opp til løpet med ei treningsleir i Kvinnherad, gjekk til topps i konkuransen på tida 9.52.16.