Furdal børsvinnar – igjen
Stavanger Aftenblad har kåra Johnny Furdal til Vikings beste spelar i tre av dei fire kampane han har spela for blåtrøyene. Sjefen er veldig nøgd.
– Han betyr utruleg mykje for oss. Furdal dikterer spelet og er aldri stressa. Det er han som set rytmen og tempoet i spelet vårt. Furdal vel som regel fornuftige løysningar, seier Viking-trener Bjarne Berntsen til Stavanger Aftenblad.
Artikkelen held fram under annonsen.
Avisa meiner Johnny Furdal er ein artig skrue og at han minner litt om legendariske Erik Mykland, både på banen og i oppførsel. Han blir rosa for evna til å gjera medspelarane gode, og han var tredje sist på begge Vikings mål mot Strømmen. Etter sigeren er Viking på opprykksplass, men Mjøndalen kan gå forbi om dei slår Åsane i dag, tysdag.