Furdal Viking-aktuell: – Håpar klubbane blir einige

Viking håpar å henta Johnny Furdal til Stavanger før overgangsvindauga vert lukka 15. august. Furdal håpar klubbane blir samde.

Viking skal ha tatt kontakt med Nest-Sotra om ein overgang for den 32 år gamle elegantieren frå Omvikdalen.

– Eg har ein agent som jobbar for meg, og eg håpar at klubbane blir samde, er den knappe kommentaren Furdal gir til Grenda.

Nest-Sotra håpar å få betalt for juvelen sin. BA meiner å vita at Viking må ut med 700.000 kroner for å få signaturen til Furdal.

– Me har aldri lagt skjul på at me unner Johnny Furdal å få prøva seg på eit høgare nivå, og me kjem derfor alltid til å lytta til seriøse førespurnader. Men me har ennå ikkje mottatt ein slik frå Viking, seier Nest-trenar Steffen Landro til bt.no.

Så langt i 2018-sesongen står Furdal med sju mål og åtte målgjevande pasningar i OBOS-ligaen.