Gode resultat i Sverige

Marius Ripel Jensen er om dagen i full gang med oppkøyringa til årets roadracing-sesong, og fekk etter sine fyrste treningsrace bekrefta at han framleis køyrer fort.

Fredag til søndag var han i Anderstorp, Sverige for å finna formen før sesongen verkeleg skyt i gang i midten av mai. Det enda med ein fyrsteplass, ein krasj og ein andreplass.

– Vi var der borte for å gjennomføra vår fyrste trening for året. Det vart ein god del regn på fredagen, så vi fekk testa oss ein god del på det, med gode resultat. Laurdag køyrte eg meg opp frå ein 15. posisjon til siger, før eg søndag enda på ein sølvplass. Så det blei ei god treningshelg, seier Marius Ripel Jensen, som 12. mai stiller til start då SM (svensk meisterskap) går av stabelen i Anderstorp.