Klare for semifinale
Henrik Tholo Aasen, Lars Kristian Ekeland og resten av Norge sitt U17-landslag i volleyball er klare for semifinalen i den Nord-Europeiske U17-meisterskapen.
Gutane har sidan måndag vore stasjonert i Ikast, Danmark for å kjempa for Norge si æra i Nevza si U17-turnering. Så langt har det gått strålande for gutane frå Ølve og Hatlestrand og resten av deira lagkameratar.
Artikkelen held fram under annonsen.
Dei tok seg vidare som nummer to i si gruppe, og varta onsdag opp med ein strålande snuoperasjon mot England. Etter å ha hamna under 2-0 i sett, tok Norge grep og snudde til 3-2 etter eit nervepirrande siste sett.
Det betyr at dei skal opp mot Færøyane i kveldens semifinale. Ein semifinale du kan sjå direkte på volleytv.dk seinare i kveld.