Klart for årviss halldag
Laurdag er det tid for den årvisse halldagen i Strand-Ulv Hallen på Hatlestrand.
Halldagen er massemønstringa til Strand-Ulv, og det retteleg myldrar med både aktive og aktivitetar. I år får både badminton, klatring, volleyball, fotball, tabata og bordtennis visa seg fram. I tillegg blir det ansiktsmaling, barnetrim, skyting og kinoframvising.
Idrettslaget tar i bruk både hallen, gymsalen, bomberom og garderobar for å få plass til alle aktivitetane.
Artikkelen held fram under annonsen.
– Og om nokon skulle ha noko energi dei ikkje har fått brent opp i løpet av dagen, er det mogeleg å delta på trappetrening ved ferjekaien på slutten av dagen, melder Ingvild Tholo Aasen, leiar IL Strand-Ulv.