Klart for Postvegløpet

Laurdag er det klart for det tredje Postvegløpet.

To gonger tidlegare har halvmaratonen frå Ternebu i Tveitedalen til Helland blitt arrangert, og i fjor sette Erlend Nymark Jensen løyperekord med 1.18.49. I alt var det 43 deltakarar med då, mot 27 i halvmaratonklassen i 2014.

Som tidlegare år går løypa i lett kupert terreng, og mest på grus. I tillegg til den lengste løpsdistansen, vert det eit ti kilometer langt minimaraton samt turklasse, begge med start på Handeland gard.