Konkurrerte igjen på Husnes stadion
Onsdag kveld konkurrerte 17 av IL Trio sine friidrettsutøvarar igjen for første gong sidan koronautbrotet.
Friidrettsgruppa i idrettslaget startar ikkje opp med treningar for dei yngste før sommarferien, men med strenge smittevernsreglar på plass, kunne dei onsdag invitera til eit internt oppstartstemne på Husnes stadion.
Artikkelen held fram under annonsen.
– Det var den spede oppstart for friidrettsgruppa etter korona, kan ein seia. Vi fann ut at vi var i stand til å avhalda eit lite stemne under gjeldande smittevernreglar, seier leiar Are Ulseth i friidrettsgruppa til IL Trio.
Onsdagens seriestemne lokka til seg 17 utøvarar i alderen 5 til 62 år, og det vart konkurrert i øvingane 60 meter, lengde, slegge, disks, 200 meter, 600 meter og 1500 meter.
I kampen om å vera raskast gjennom 1500 meter, var det Kenneth Blom som stakk av med sigeren. Han kryssa mållinja etter halvanna kilometer på det faste, raude dekket på tida 5.18.2.
Sjå heile resultatlista her: