Kunne endeleg jubla

Sjølv om sesongen var ferdigspelt føre helg kunne ikkje Trio og Halsnøy jubla over sikker plass før laurdag ettermiddag.

For sjølv om både Trio og Halsnøy etter førre helgs sesongavslutning hamna over nedrykksstreken, kunne dei framleis bli tvungen ned. Det på grunn av at det tidlegare vart bestemt at eitt ekstra lag skulle ned frå 3. divisjon, noko som ville gi ringverknadar ned i divisjonane.

Det var difor knytt stor spenning til laurdagens sesongavslutning i 3. divisjon. Før kampane var det Tertnes og Oslo City som låg dårlegast til. Det laget som her vart tvungen ned ville ta med seg dei utsette laga i sine fylker, både Trio og Halsnøy i Hordaland.

Men når Tertnes gjorde jobben og slo Austevoll 2-1, samtidig som Oslo City tapte 3-2 for Oldenborg vart det klart at Oslo City blir tvungen ned. Difor Trio og Halsnøy feira fornya plass i høvesvis 4.- og 5. divisjon neste sesong. Grenda gratulerer.