Lars Kristian er klar for cupfinale
Lars Kristian Ekeland og TIF Viking skal møta Førde i årets cupfinale i volleyball.
Det vart klart etter at blåtrøyene slo Koll 3-2 i returoppgjeret i Åsane Hallen laurdag ettermiddag. Med det vann TIF Viking med dei suverene siffera 6-2 etter to oppgjer i semifinalen.
Artikkelen held fram under annonsen.
Volleyballaget frå Bergen er med det klar for sin fjerde NM-finale på fem år.
I fjorårets cupfinale tapte TIF Viking knipent 3-2 mot Førde. 13. februar får Lars Kristian Ekeland og blåtrøyene sjansen til å revansjera det sure fjorårstapet, for då står nemleg Førde igjen på andre sida av nettet i ein cupfinale.
Henrik Tholo Aasen er også ein del av det cupfinaleklare laget, men er ute med skade.