Måtte sjå kampen frå tribuneplass etter loddtrekning
Likevel vart omkampen mellom Norge og Brasil ei minnerik oppleving for Rolf Vidar Grønstøl Hansen.
Han var ein av tre heldige som var plukka ut til å ta del i laurdagens omkamp mellom Norge og Brasil, men måtte sjå at Drillo si loddtrekning før kampstart ikkje gjekk hans veg.
Artikkelen held fram under annonsen.
– Drillo avgjorde speletida med loddtrekning, så eg var nære. Det var sjølvsagt kjedeleg, men det var tvilsamt om eg kunne spelt uansett. Ryggen hadde slått seg heilt vrang, så det var kanskje like greitt at eg slapp, seier Rolf Vidar.
Trass i at det ikkje vart speletid, vart det ein dag Rolf Vidar kjem til å hugsa lenge.
– Det var veldig kjekt. Eg fekk no gå å surra rundt spelarane inne på stadion, og var ute på banen før kampen også. Så eg fekk møtt Ronaldo, Roberto Carlos og Drillo, seier han.
Brasil sine tidlegare stjerner vann kampen 3-0.