Myrvold skal trena «Ulvane»
Dommar og tidlegare Strand-Ulv-keeper, Geir Inge Myrvold, er ny trenar for Strand-Ulv sitt 7. divisjonslag.
Det melder laget på sine nettsider. Myrvold blei presentert på Strand-Ulv sitt spelarmøte torsdag kveld.
Artikkelen held fram under annonsen.
– Geir Inge har vore trenar for Strand-Ulv tidlegare, heilt tilbake på 80-talet då Strand-Ulv debuterte i seriesystemet. Då delte han ansvaret med Reidar Nerhus. Også i 2002-sesongen var han involvert som trenar, skriv Strand-Ulv.
Myrvold har i nyare tid vore trenar for Strandebarm i 5. divisjon, men har etter det fokusert mest på å dømma kampar i både 4. og 5. divisjon.
– Det er veldig kjekt å ha trenarsituasjonen på plass no i god tid før treningane byrjar opp igjen. Med Geir Inge får me inn ein dedikert fotballmann med eit hjarta for Strand-Ulv. Dette blir spanande, seier leiar Martin Myrvold i fotballgruppa i Strand-Ulv.