Njardar vart for sterke for «Ulvane»
Strand-Ulv gjekk på sitt sjuande tap for sesongen då dei tok i mot Njardar/Tysnes til lokaloppgjer i Ølve søndag ettermiddag.
Sjølv om heimelaget gjekk ut og sjokkerte ligaleiar Njardar med eit offensivt press i opninga, fekk trøytte Strand-Ulv-bein det vanskeleg med å henga mot slutten av fyrste omgang.
Artikkelen held fram under annonsen.
– Me står fram som eit heilt anna lag enn me gjorde i vårsesongen. Fyrste halvtimen har me full kontroll og skapar nok sjansar til å scora minst to. Men utover i omgangen blir me slitne og Njardar utnyttar våre feil, seier Martin Myrvold.
Sigbjørn Dahle reduserte til 1-3 for Strand-Ulv i det 62. minutt. Men før kampen var slutt hadde gjestane fått to til i mål bak keeper Morten Linga.
– Alt i alt er me nøgde med prestasjonane våre, og at me heng mykje meir saman som eit lag enn me gjorde før. Stor honnør til keeper Morten som har fleire enorme redningar denne kampen, sluttar Martin.