NM-gull til Ane Guro
Ane Guro Tveit Hjortland og makkeren Victoria Kjølberg er norgesmeistrar i sandvolleyball.
Det vart dei etter å ha slått regjerande meister Janne Pedersen og makkeren hennar Emilie Onstad i eit rufsete haustvêr på Lassa i Stavanger torsdag ettermiddag.
Artikkelen held fram under annonsen.
Etter eit svakt første sett der Onstad og Pedersen spelte seg til ein grei 21-15-siger, fann Ane Guro og Victoria verkeleg rytmen etter kvilen og drog i land ein kontrollert 21-19-siger i det påfølgjande settet.
Det avgjerande tredje settet starta forrykande for Ane Guro og Victoria som innleiingsvis leia med seks poeng. Men Olimstad og Pedersen kjempa seg tilbake og gjorde det spanande for publikum. Men då Ane Guro på fantastisk vis blokka inn 15-13 i regnvêret var NM-gullet sikra.
– Det er mitt fyrste NM-gull så dette var fantastisk kjekt, sa Ane Guro til NRK etter kampen.