Nok ein Trio-spelar til Halsnøy
Andreas Thorkildsen har meldt overgang frå Trio til Halsnøy.
Det fortel styreleiar i Halsnøy Fotball, Richard Erlandsen, tysdag kveld.
Artikkelen held fram under annonsen.
- I rekkja av gode nyhende kan eg med glede meddela at Andreas Thorkildsen har signert for Halsnøy, står det å lesa i ei pressemelding.
Det betyr at den dribleglade midtbanespelaren igjen blir lagkamerat med Kjetil Eide, som gjekk same veg i sommar.
- Andreas blir ei stor forsterking for laget med sin erfaring og sine fotballferdigheiter, og vil heilt klart bidra til at vi når målsetninga vår for 2020-sesongen, seier Erlandsen.
Den uttalte målsetninga for Halsnøy neste sesong er å rykka opp til 5. divisjon.