Nordeuropeiske meistrar

Sandvolleyballduoen Ane Guro Tveit Hjortland og Victoria Faye Kjølberg er verkeleg i støyten for tida. Etter turneringa i helga kan dei kalla seg best i Norden og Nord-Europa.

Turneringa Trust Kapital Open gjekk av stabelen i finske Kuopio i dagane 3. til 7. august. Konkurransen er eigentleg ein nordisk meisterskap, men med deltakarar frå Norge, Finland, Danmark, Sverige og England kan konkurransen også kallast ein Nordeuropeisk meisterskap.

Ane Guro Tveit Hjortland frå Hatlestrand og makkeren Victoria Faye Kjølberg var berre femte rangert blant deltakarane, trass i at dei kom til start med to strake sigrar; fyrst i student-EM i Kroatia for 14 dagar sidan og deretter i Norgescupen i Kristiansand.

Også i Finland gjekk det strålande. I semifinalen møtte dei det finske paret som var rangert fyrst og som har ein 2. plass i World Tour Open på rullebladet. Den jamne og dramatiske kampen enda 2-1 (7-21, 25-23, 20-18).

– I fyrste sett fekk vi lite til og vart serva av banen. Dermed hadde vi ingenting å tapa og klarte å nullstilla oss, seier Ane Guro.

Les meir i tysdagens Grenda eller kjøp pdf-utgåva.