Opprykksdraumen brast for Nest-Sotra
Johnny Furdal og Nest-Sotra måtte sjå opprykket forsvinna i det fjerne då Florø vann opprykkskampen 2-0 laurdag.
Eit Florø Stadion fullt til randen gjekk av hengslene då dommar Marius Grøtta blåste av den viktige opprykkskampen i ettermiddag.
Etter å ha fått servert ein nervøs og sjansefattig fyrste omgang, tok vertane tak etter sidebyte.
Artikkelen held fram under annonsen.
Men ikkje før i det 68. minutt fekk heimelaget ballen forbi ein eminent Øystein Øvretveit i Nest-Sotra-buret. Eit drøymetreff frå 25 meter frå Christer Husa var det som skulle til for å skyta Florø opp til OBOS-ligaen.
I eit forsøk på utlikning sende bortelaget opp det dei hadde i sluttminutta, det resulterte i at Florø dobla leiinga på ei kontring tre minutt på overtid.
Med det blir det nok ein sesong med 2.divisjonsfotball på Ågotnes Stadion neste år.