På hovudet ut av cupen
I serien har Tina Abdulla og Tertnes vunne dei tre første kampane for fyrste gong sidan 2013. Men i tysdagens cupkamp mot Molde fekk blåtrøyene juling.
– Vi var langt unna der vi brukar å vera, seier Tertnes-trenar, Tore Johannessen til Bergens Tidende.
Artikkelen held fram under annonsen.
Etter halvspelt kamp i Haukelandshallen låg heimelaget under 8-15 mot Molde. Og då Tertnes ikkje klarte å omstilla utover i andre omgang, var dei aldri i nærleiken av å truga moldenserane, som til slutt vann 28-17.
Tina Abdulla scora to frå sin høgrekant.