Rykka opp til 2. divisjon
Halsnøyjentene Synne Eide Bjørnebøle og Kristine Lygre har vore sentrale på Stord-laget som no har sikra opprykk til 2. divisjon.
Det er over tre veker sidan Stord sikra seriemeisterskapet i 3. divisjon for damer. Måndag fekk dei i tillegg melding om at opprykket til 2. divisjon er klart, då laget som vann 3. div i Sogn og Fjordane, Studentspretten, takka nei til å spela kvalifisering. Avgjersla til Studentspretten var også med på å sikra Rosendal/Trio sin 4. divisjonskontrakt.
Artikkelen held fram under annonsen.
Dei to Halsnøy-jentene Synne Eide Bjørnebøle og Kristine Lygre har vore sentrale på Stord-laget denne sesongen. I tillegg til å bli seriemeister har dei også ein triumf i J19-klassen i Norway Cup å sjå attende på denne sesongen. Kristine er i tillegg nominert som ein av tre kandidatar til å bli årets spelar i 3. divisjon i Hordaland.