Sindre Omvik nummer 10 i NM
Sindre Omvik sprang inn til ein 10. plass på 1500 meteren i friidretts-NM laurdag kveld.
Sindre starta friskt og tok føringa i det elendige vêret som herja då finaleheatet på 1500 meteren gjekk av stabelen i Byrkjelo, men bursdagsbarnet frå Omvikdalen måtte gi tapt då teten auka tempo mot slutten av løpet.
Artikkelen held fram under annonsen.
Europameister Jakob Ingebrigtsen sa til VG etter løpet at han aldri hadde konkurrert under meir dramatiske forhold. Kraftige vindkast tok tak i både reklameskilt, paraplyar og partytelt samstundes som utøvarane kjempa om pallplassane.
Ein kamp Jakob Ingebrigtsen vann suverent med tida 4.03.54. Sindre Omvik kom i mål som nummer 10 etter 4.10.87.