Stygg smell for Halsnøy
Halsnøy tapte 11-3 borte mot Bremnes torsdag kveld.
Sjølv om det er høgtidsdag og fri for dei aller fleste, rullar fotballen vidare rundt om i regionen. Laget til Kjell Henning Berntsen og Jan Helland nytta fridagen til å måla krefter mot opprykksjagande bømlingar på Olvondo Stadion. Ei oppgåve som vart for stor for dei gule og blå.
– Dette var sørgjelege greier. Vi tapte mot eit godt lag, men det er vår prestasjon eg er skuffa over. Det vert altfor mange personlege feil, og vi heng verkeleg ikkje saman som eit lag, seier trenar Kjell Henning Bertnsen.
Artikkelen held fram under annonsen.
Etter kveldens stortap vert Halsnøy ståande på eitt poeng etter fire serierundar. Det betyr at vi framleis må venta på sesongens første siger til eitt av kommunen sine tre herrelag.