Tap for både Rosendal og Halsnøy
Fredag fekk Rosendal sitt herrelag pryl i Os, medan Halsnøy/Trio 2 brukte laurdagen på å få juling i Loddefjord.
Så langt denne helga har to av kommunen sine fotballag vore i aksjon, medan Trio og Rosendal/Trio skal ut i elden søndag ettermiddag.
Artikkelen held fram under annonsen.
For Rosendal sin del vart det ein tung tur heim frå Os fredag kveld etter å ha tapt 5-2 mot gultrøyene sitt tredjelag. Sander Myklebust og Abdu Yassin scora måla for kvittrøyene, som no ligg på ein 8. plass i 6. divisjon med tre poeng etter fem kampar.
Halsnøy/Trio 2 tok noko overraskande leiinga borte mot opprykksjagande Vadmyra midtvegs i fyrste omgang. Men måtte sjå at alt skulle handla om vertane etter det. Blåtrøyene frå Loddefjord scora eitt i fyrste omgang og sju etter sidebyte utan at Halsnøy laga fleire. Etter 8-1 borte mot Vadmyra vert Erling Hansen og Halsnøy/Trio 2 ståande med sine sju poeng etter sju seriekampar.