Tidlegare Trio-gut på kretslaget
Jakob Hellevik Lie frå Husnes er med i kretslagstroppen for 2003-modellane i Hordaland.
Den tidlegare Trio-spelaren spelar til vanleg 1. divisjonsfotball for Tertnes sitt G15-lag, men var 13. november i aksjon på kretslagstrening på Myrdal kunstgras. Det er den fyrste av i alt fire samlingar før gutane skal opp mot Rogaland på Bremnes 8. desember.
Artikkelen held fram under annonsen.
Jakob flytta til Åsane hausten 2014, og spelte for oransjetrøyene fram til han meldte overgang til Tertnes i 2017. Ein overgang som gav den unge spelaren ein boost.
Denne sesong har Jakob trena saman med A-laget til Tertnes, og kunne førre veke krona ein god sesong med å også bli plukka ut på kretslaget.