Tina Abdulla og Dortmund tok sin 18. strake siger fredag. (Pressefoto)

Tina og Dortmund stormar mot ligagull

Tina Abdulla og Borussia Dortmund tok sin 24. strake siger i Bundesligaen då dei slo tabelltoar Bietigheim 30-28 onsdag kveld.

Det vart ein jamn batalje då dei svart- og gulkledde serieleiarane tok i mot sine argaste konkurrentar om ligatittelen i Sporthalle Wellinghofen onsdag.

Artikkelen held fram under annonsen.

Og sjølv om det var gjestane frå Bietigheim som kom best i gang, var det til slutt vertane frå Dortmund som kunne jubla høgast.

Tina Abdulla kom inn like før sidebyte, og var sentral i Dortmund sin snuoperasjon i 2. omgang. Ho scora berre eitt, men spelte godt defensivt og tetta igjen si høgre side.

Etter sigeren er Dortmund no 9 poeng føre Bietigheim, som har ein kamp mindre spelt. Det betyr at Tina og Dortmund berre treng å vinna halvparten av sine seks resterande seriekampar for å bli tyske meistrar.

– Vi er veldig glade for desse to poenga. Vi viste både kvalitet og moral då vi snudde kampen, seier trenar Andre Fuhr til Dortmund si heimeside etter kampen.