To lag vidare i Norway Cup

OPPDATERT: Per onsdag ettermiddag er framleis to lag frå Kvinnherad med i A-sluttspelet i Norway Cup.

Etter dei innleiande rundane hadde seks av dei 15 laga frå Kvinnherad kvalisert seg for A-sluttspelet. Tre av dei kom frå Rosendal Turnlag, to frå Trio og eitt frå Halsnøy. Onsdag ettermiddag er to av dei framleis att. Rosendal sine 14-årsjenter er blant desse. Sjølv om dei tapte den siste kampen i gruppespelet 1-0 mot puljevinnar Skarphedin, sikra laget 2. plass i gruppa og avansement til A-sluttspelet. Det greidde dei etter å ha vunne 2-0 over Heming og spelt uavgjort 2-2 mot Nittedal. Rosendalsjentene går direkte til 1/16-finale, og skal der møta Fagernes. Kampen vert spelt torsdag kl. 12.45.

Halsnøy sitt sterke J15/16-lag i 7-arfotball imponerer stort. Dei har knust motstandarane hittil, med høvesvis 15-0 over Sauland, 8-0 over Rennebu og 3-1 over Skeid. 1/16-finalen mot Hareid vart spelt onsdag ettermiddag. Diverre tapte Halsnøy 2-0.

Tre av laga til Rosendal er vidare i B-sluttspelet (Jenter 13, Gutar 13 og Gutar 15). Jenter 13 får ei stor oppleving i sin kamp i B-sluttspelet torsdag, då Jerusalem Girls er motstandar. Dette skal vera fyrste gong eit lag frå Kvinnherad spelar mot eit lag frå Midtausten.

Jenter 15/16 rauk ut av Norway cup etter straffesparkkonkurranse mot Årvoll, og det måtte heile ni straffespark til for å kåra ein vinnar.